மக்கள் நாயகன் ராமராஜன் தொடர்ந்து வரிசையாக வெற்றிப்படங்களை கொடுத்து வசூல் நாயகனாக வலம் வந்த நிலையில், அவர் திரை வாழ்க்கைக்கு மேலும் மகுடம் சூட்டும் விதமாக 18 வது படமாக வெளிவந்து வெற்றிப்படங்கள் எனும் லிஸ்ட் டை தாண்டி பல அரிய சாதனைகளை புதிய வரலாற்றை படைத்த காவியமாக வந்த படமே “கரகாட்டக்காரன்”.
இத்திரைப்படம் வெளிவந்து திரையரங்கில் ஓடிக்கொண்டிருக்கும் போதே அதே நேரத்தில் வேறு வேறு திரையரங்கில் மக்கள் நாயகனின் “ராஜா ராஜாதான்” “தங்கமான ராசா” அன்புக்கட்டளை”” பாட்டுக்கு நான் அடிமை “” மனசுக்கேத்த மகராசா “தங்கத்தின் தங்கம்” “என்னெப்பெத்த ராசா” “ஊருவிட்டு ஊருவந்து” புதுப்பாட்டு என அனைத்துப்படங்களும் 100 நாட்களை கடந்து மாபெரும் வெற்றிப்படங்களாக ஓடிய வரலாறு இந்திய திரை வரலாற்றில் எந்த நடிகருக்கும் அமையாத சாதனையாகும். அப்படி இத்தனை வெற்றிப்படங்கள் ஓடிக்கொண்டிருந்த போதும் மதுரை நாட்டியா திரையரங்கில் தினசரி ரெகுலராக 3 ஷோவும் சனிக்கிழமை – ஞாயிற்றுக்கிழமை களில் 4 ஷோவும் ஓடி தொடர்ந்து 485 நாட்கள் ( 16/06/1989 தொடங்கி 11/10/1990) ஓடிய ஒரே படம் “கரகாட்டக்காரன்”.
இதனாலே தான் மக்கள் நாயகன் மக்களால் கொண்டாடப்பட்ட அவர்கள் வீட்டில் ஒரு நபராக எண்ணக்கூடிய இடத்தில் மக்கள் நாயகன் விளங்கி வருகிறார்.
எத்தனையோ படங்கள் எவ்வளவோ வெற்றிகளை தந்திருந்தாலும் 37 ஆண்டுகள் ஆன போதும் இன்றளவும் ப்ரெஷாக மக்கள் ரசித்து எஞ்சாய் பண்ணும் ஒரு மேஜிக் இந்த படத்திற்கு மட்டுமே உண்டு.
படத்தில் நடித்த நடிகர் நடிகைகளையும் டெக்னீஷியன்களையும் சிறப்பாக கையாண்டு அனைத்து தரப்பு மக்களும் ரசிக்கும் படி சிறந்ததொரு கிராமிய காவியமாக இயக்கியிருந்தார் இயக்குனர் கங்கை அமரன். ராமராஜனின் படங்களுக்கு அருமையான எண்ணற்ற சூப்பர் ஹிட் பாடல்களை தந்த இசைஞானி கரகாட்டக்காரன் படத்திற்கு 8 பாடல்களை தந்து, கேட்க கேட்க திகட்டாத பாடல்களை தந்து படத்தின் இமாலய வெற்றிக்கு பெரும் பங்கு வகித்தார் இசை உலக மாமேதை இளையராஜா அவர்கள்,
37 ஆண்டுகள் ஆகியும் மக்களிடத்தில் இந்தப்படத்தின் மீதான ரசனை இன்னும் குறையவில்லை, இப்போது வெளியான படம் போலவே மக்கள் பேசிவருகிறார்கள், தமிழ் சினிமாவில் “கரகாட்டக்காரன்” படம் ஒரு மைல்கல். வெற்றிப்படங்களுக்கு ஒரு விலாசம், இன்னும் எத்தனை ஆண்டுகள் ஆனாலும் கரகாட்டக்காரனுக்கு உள்ள மவுசு ஒருபோதும் குறையாது.
