ஜெயம் ரவி, நயன் தாரா, நரேன் ஆகியோர் நடிப்பில் யுவன் சங்கர் ராஜா இசையில், அஹமத் இயக்கத்தில் வெளியாகி இருக்கும் படம் இறைவன். பேசன் ஸ்டூடியோஸ் நிறுவனம் தயாரித்திருக்கும் இப்படத்துக்கு ஒளிப்பதிவு ஹரி.கே.வேதாந்த் படத்தொகுப்பு ஜெ.வி.மண்கண்ட பாலாஜி .
அதிரடியான அசிஸ்டண்ட் கமிஷனரான ஜெயம் ரவி மற்றும் அவருடைய சக போலீஸ் அதிகாரியும் நண்பருமான நரேன் இருவரும் இணைந்து நகரை கலக்கி வரும் கொடூரமான சீரியல் கில்லரை கண்டுபிடிக்கும் முயற்சியில் இறங்குகின்றனர். சைக்கோ கொலைகாரனான ராகுல் போஸுக்கும் காவல்துறை அதிகாரிகளான ஜெயம் ரவி, நரேன் ஆகியோருக்கு இடையேயான ஆடுபுலி ஆட்டம்தான் இறைவன் படத்தின் கதை
ஜெயம் ரவி ஆக்சன், ஆற்றாமை, கோவம், காதல் என அனைத்து உணர்ச்சிகளையும் பக்காவாக வெளிப்படுத்தி தன்னை ஒரு மிகச்சிறந்த நடிகர் என்று நிலைநிறுத்தி இருக்கிறார். தன்னுடைய திரைப்பயணத்தில் இறைவன் படம் முக முக்கியமான படம் என்று சொல்லுமளவுக்கு நடித்துள்ளார் நரேன். க்யூட்டான நடிப்பை வெளிப்படுத்தி இருக்கிறார் நயன், விஷ்வரூபம் படத்தில் வில்லனாக மிரட்டிய ராகுல் போஸ் இப்படத்தில் குலை நடுங்க வைத்திருக்கிறார். இப்படியாக நடிகர்களின் தேர்வும், அவர்களின் நடிப்பும் படத்துக்கு மிகப்பெரிய பலமாக அமிந்துள்ளன.
கதை, திரைக்கதை ஆகியவற்றை இன்ச் பை இன்சாக செதுக்கி இருக்கிறார் இயக்குனர் அஹமத். இயக்குனருக்கு தோள் கொத்துள்ளனர் ஒளிப்பதிவாளர் ஹரி.கே.வேதாந்த்தும் படத்தொகுப்ப்பாளர் ஜெ.வி.மண்கண்ட பாலாஜியும். யுவன் இசையில் பாடல்களும் பின்னணி இசையும் சிறப்பு.
இறைவன்: மாஸ் த்ரில்லர்
