கலைஞர் தொலைக்காட்சியில் தை திருநாள் தமிழ் புத்தாண்டு பொங்கல் தினத்தை முன்னிட்டு பல்வேறு சிறப்பு நிகழ்ச்சிகள் மற்றும் புத்தம் புதிய சூப்பர்ஹிட் திரைப்படங்கள் ஒளிபரப்பாக இருக்கிறது.
அதன்படி தை 1 பொங்கல் தினத்தன்று சுந்தர்.சி இயக்கத்தில் ஆர்யா, ராஷி கண்ணா, ஆண்ட்ரியா, விவேக், யோகி பாபு உள்ளிட்ட நட்சத்திரப் பட்டாளங்கள் நடித்த காமெடியும், திகிலும் நிறைந்த புத்தம் புதிய திரைப்படம் “அரண்மனை 3” ஒளிபரப்பாக இருக்கிறது.
அதேபோல், தை 2-ஆம் நாள் மாட்டுப்பொங்கலன்று, ஞானவேல் இயக்கத்தில் சூர்யா, மணிகண்டன், லிஜோ மோல் ஜோஸ் நடிப்பில் மக்களால் அதிகம் விரும்பப்பட்ட படமாக 2021-ஆம் ஆண்டின் ஐஎம்டிபி ரேட்டிங்கில் முதலிடம் பிடித்த “ஜெய் பீம்” சூப்பர்ஹிட் திரைப்படமும் ஒளிபரப்பாக இருக்கிறது.
தை 3-ஆம் நாள் காணும் பொங்கலன்று, பா.இரஞ்சித் இயக்கத்தில் ஆர்யா, பசுபதி, ஜான் கொக்கன், துஷாரா விஜயன், ஜான் விஜய் உள்ளிட்ட பலரது நடிப்பில் குத்துச்சண்டை பின்னணியில் உருவாகிய “சார்பட்டா பரம்பரை” அதிரடி திரைப்படமும் ஒளிபரப்பாக இருக்கிறது.அத்துடன் பல்வேறு சிறப்பு நிகழ்ச்சிகளும் ஒளிபரப்பாகி உங்களை மகிழ்விக்க இருக்கிறது.
