சிம்பு, ஹன்சிகா, ஸ்ரீகாந்த் நடிப்பில் ஜமீல் இயக்கத்தில் வெளியாகி இருக்கும் படம் மகா. நீண்ட நாட்களுக்கும் முன்பு எடுக்கப்பட்டு சற்று தாமதமாக வெளியாகி இருந்தாலும், தற்போதைய ட்ரெண்டில் இருப்பது படத்துக்கு பலம். மாநாடு என்ற மாபெரும் வெற்றிப்படத்துக்குப்பிறகு வெளியாகும் சிம்பு படம் என்பதால் ரசிகர்களிடையே பெரிய வரவேற்பு உள்ளது. ஆனால் சிம்பு இப்படத்தில் சிறப்பு தோற்றத்தில் மட்டுமே நடித்துள்ளார் என்பது அவர் ரசிகர்களுக்கு சிறிய ஏமாற்றம்.
சைக்கோ த்ரில்லர் வகையறா படங்களுக்கு சமீப காலத்தில் பெரும் வரவேற்பு இருக்கிறது. அந்த வகையில் இப்படமும் நல்ல வரவேற்பை பெற்றுள்ளது. கொலைகாரனை கண்டுபிடிக்கும் அம்மா கதாபாத்திரத்தில் கச்சிதமாக நடித்திருக்கிறார் ஹன்சிகா. க்யூட் லவ்வர் கேரக்டர்களை மட்டுமே நடிட்திருக்கும் ஹன்சிகாவுக்கு இது ஒது புதிய தளம். படம் முழுக்க சோகத்தை முகத்தில் தாங்கி நடித்திருக்கும் பாத்திரத்தை மிகச்சிறப்பாக செய்திருக்கிறார். துப்பறியும் காவல்துறை அதிகாரி பாத்திரத்தில் ஸ்ரீகாந்த் நடித்துள்ளார். கௌரவ வேடத்தில் நடித்தாலும் தான் வரும் காட்சிகளில் திரையரங்கை அதிரவிடுகிறார் சிம்பு.
வில்லனாக நடித்திருக்கும் மலையாள நடிகர் சுஜித் சங்கர் மிரட்டியுள்ளார். தம்பி ராமையா, மகத் ஆகியோர் தங்களுக்கு கொடுக்கப்பட்ட பாத்திரத்தை உணர்ந்து நடித்துள்ளனர்.
ஜிப்ரான் இசையில் பாடல்கள் மனதை கவர்கின்றான, பின்னணி இசை முதுகுத்தண்டை சில்லிட வைக்கிறது.
மொத்தத்தில் மகா திரைப்படம் ஒரு சிறப்பான பொழுது போக்கு திரைப்படமாக வெளியாகியுள்ளது.
